Skráðu þig

Nýskrá

  1. Lög Tinds 
     
    Frá 18.október 2014
     
    1. grein
     
    Heiti
     
    Félagið heitir Tindur. Heimili félagsins og varnarþing er í Reykjavík.
     
    2. grein
     
    Markmið
     
    Meginmarkmið Tinds er iðkun íþrótta, sér í lagi hjólreiðaíþrótta, að efla hjólreiðar sem
     
    keppnisíþrótt og stuðla að aukinni uppbyggingu í kringum félagsstarfsemi. Félagið skal leitast
     
    til að ná settum markmiðum með því að halda úti öflugum hjólreiðakeppnum og æfingastarfi.
     
    Sérstaka áherslu skal leggja á þáttöku ungmenna í keppnum og æfingum félagsins.
     
    3. grein
     
    Félagar
     
    Hver sá sem greiðir félagsgjald til félagsins er félagi í Tindi, auk þeirra sem stjórn Tinds
     
    samþykkir að skuli skrá sem félaga en er undanþeginn greiðslu félagsgjalds af sérstökum
     
    ástæðum. Félagar fara með eitt atkvæði á aðalfundi og öðrum fundum félagsins og eru
     
    jafnframt kjörgengnir til stjórnar og nefnda félagsins. Einstaklingar yngri en 16 ára hafa ekki
     
    atkvæðisrétt né kjörgengi.
     
    A. Félagsgjöld eru 8.900.­kr fyrir hvert ár hvert, innifalin eru aðildargjöld að HRÍ.
     
    B. Gildistími er frá 1. janúar til 31. desember.
     
    C. Eftir 1. ágúst er veittur 50% afsláttur til nýrra meðlima af gjaldi sama árs.
     
    D. Félagsgjöld skulu greidd eigi síður en 1. apríl ár hvert.
     
    4. grein
     
    Skipulag félagsins
     
    Aðalfundur félagsins hefur æðsta vald í málefnum félagsins. Stjórn félagsins er æðsti aðili í
     
    málefnum þess á milli aðalfunda og mótar starfssemina í aðalatriðum. Félagsfundi skal boða
     
    svo oft sem stjórn ákveður og ef skrifleg ósk kemur fram frá eigi færri en 10 félagsmönnum
     
    og tilgreini þeir fundarefni hans. Halda skal félagsfund eigi síðar en fjórum vikum eftir að
     
    krafan um hann barst stjórninni og skal boða félagsfundinn með viku fyrirvara.
     
    5. grein
     
    Stjórn Tinds
     
    Stjórn Tinds skipar fimm einstaklingum. Í stjórn situr formaður, gjaldkeri, fjölmiðlafulltrúi,
     
    keppnisfulltrúi og æfingafulltrúi sem slíka kosningu hafa hlotið á aðalfundi. Þó allir
     
    stjórnarmeðlimir hafi ákveðin hlutverk skulu þeir jafnframt vera virkir í starfi félagsins og beita
     
    sér fyrir framþróun hjólreiðaíþróttarinnar hérlendis, sjái stjórnarmaður sér ekki stætt að sinna
     
    hlutverki sínu á kjörtímabili sínu skal hann segja af sér með skriflegu bréfi til stjórnar Tinds.
     
    Stjórn Tinds skal halda stjórnarfundi með reglulegu millibili á kjörtímabilinu, miðast skal við að
     
    stjórnarfundir séu mánaðarlegir.
     
    5.1 grein
     
    Formaður
     
    Formaður er helsti talsmaður félagsins og sér til þess að félagið sé virkt í sínu starfi og sinni
     
    hlutverki sínu. Jafnframt skal formaður beita sér í framþróun á hjólreiðaíþróttinni hérlendis.
     
    Formaður skal jafnframt boða til mánaðarlegra stjórnarfunda, en hefur heimild til að fresta eða
     
    fella niður stjórnarfund ef rík ástæða þykir til.
     
    5.2 grein
     
    Gjaldkeri
     
    Hefur prókúru á reikninga félagsins, sér um að félagsgjöld séu innheimt ásamt því að hafa
     
    yfirumsjón með því að keppnisgjöld séu greidd og samþykkir helstu útgjöld á vegum
     
    félagsins. Gjaldkeri er einnig ábyrgur fyrir reikningsskilum félagsins.
     
    5.3 grein
     
    Fjölmiðlafulltrúi
     
    Fjölmiðlafulltrúi sér til þess að félagið sé virkt í skrifum á bloggi félagsins (tindur.org) og
     
    félagsmiðlum, þá einna helst á Facebook síðu félagsins. Helst má nefna frásagnir frá
     
    keppnum sem félagið heldur og frásagnir af árángri félagsmanna í öðrum keppnum eða
     
    viðburðum.
     
    5.4 grein
     
    Keppnisfulltrúi
     
    Keppnisfulltrúi er jafnframt formaður Keppnisnefndar, er talsmaður hennar innan stjórnar
     
    Tinds og hefur yfirumsjón með því að nefndin sé virk í sínum störfum og sinni sínu hlutverki.
     
    5.5 grein
     
    Æfingafulltrúi
     
    Æfingafulltrúi er jafnframt formaður Æfinganefndar, er talsmaður hennar innan stjórnar Tinds
     
    og hefur yfirumsjón með því að nefndin sé virk í sínum störfum og sinni sínu hlutverki.
     
    6.grein
     
    Keppnisnefnd
     
    Nefndin skal skipuð að lágmarki fjórum einstaklingum. Hlutverk nefndarinnar er að skipuleggja
     
    öflugar keppnir á vegum Tinds, tryggja að skipaður sé keppnisstjóri fyrir hverja og eina keppni.
     
    Einnig skal nefndin leitast til þess að keppnir á vegum félagsins hafi uppbyggjandi áhrif á
     
    hjólreiðaíþróttina hérlendis bæði í þáttakandafjölda og getu keppnismanna.
     
    7.grein
     
    Æfinganefnd
     
    Nefndin skal skipuð að lágmarki fjórum einstaklingum. Hlutverk nefndarinnar er að viðhalda
     
    öflugu æfingastarfi á vegum Tinds, með sérstakri áherslu á unglinga og yngri hjólreiðamenn.
     
    8. grein
     
    Afsögn stjórnar
     
    Komi til þess að stjórn eða stakur stjórnarmeðlimur segir af sér störfum skal boða til
     
    félagsfundar og nýr/nýjir fulltrúi/fulltrúar kosnir til sama tíma og fráfarandi fulltrúar voru áður
     
    kosnir.
     
    9. grein
     
    Aðalfundur félagsins
     
    Aðalfundur félagsins skal haldinn eigi síðar en í október ár hvert. Til aðalfundar skal boðað
     
    með tveggja vikna fyrirvara og skal hann boðaður öllum félagsmönnum skriflega, á póstlista
     
    félagsins og á heimasíðu. Aðalfundur félagsins er löglegur sé löglega til hans boðað, án tillits
     
    til hversu margir mæta á fundinn.
     
    Dagskrá aðalfundar skal vera sem hér segir:
     
    A. Kosinn fundarstjóri, fundarritari og kjörnefnd.
     
    B. Skýrsla stjórnar um störf félagsins á liðnu starfsári.
     
    C. Endurskoðaðir reikningar lagðir fram til samþykktar.
     
    D. Stjórn leggur fram fjárhagsáætlun næsta árs.
     
    E. Lagabreytingar, ef tillögur liggja fyrir sbr. 14. grein
     
    F. Kosning í stjórn félagsins;
     
    a. kosinn formaður.
     
    b. kosinn gjaldkeri.
     
    c. kosinn fjölmiðlafulltrúi.
     
    d. kosinn keppnisfulltrúi.
     
    e. kosinn æfingafulltrúi.
     
    f. kosnir einstaklingar í nefndir.
     
    G. Skýrslur og tillögur fráfarandi nefnda
     
    H. Önnur mál.
     
    Á aðalfundi ræður meirihluti atkvæða úrslitum allra mála, sbr. þó 12. grein. Kosning skal vera
     
    skrifleg nema aðeins komi fram ein uppástunga til stjórnarstarfa, þá telst sá sem tilnefndur er,
     
    sjálfkjörinn.
     
    10. grein
     
    Kjörstjórn
     
    Kosið skal í kjörnefnd í byrjun hvers aðalfundar. Í kjörnefnd skulu þrír löggildir meðlimir Tinds
     
    sitja, þeir sem sitja í kjörnefnd hafa fyrirgert rétt sínum til framboðs í viðkomandi kosningum.
     
    11. grein
     
    Reikningsár og reikningsskil
     
    Reikningsár félagsins skal vera almanaksárið. Allir reikningar skulu vera komnir til
     
    endurskoðenda félagsins eigi síðar en 7 dögum fyrir aðalfund.
     
    12. grein
     
    Félagaskrá
     
    Stjórnin skal halda félagaskrá og endurkoða hana á hverju starfsári.
     
    13. grein
     
    Félagsslit
     
    Félaginu verður ekki slitið nema á aðalfundi með samþykki að minnsta kosti 2/3 hluta
     
    fundarmanna og því aðeins að getið hafi verið um væntanlega atkvæðagreiðslu um framtíð
     
    félagsins í skriflegu fundarboði. Aðalfundur ráðstafar eigum félagsins til þess málefnis er
     
    ákveðið er á fundinum verði það lagt niður.
     
    14. grein
     
    Lagabreytingar
     
    Lögum þessum má ekki breyta nema á aðalfundi félagsins, og þarf til þess samþykki 2/3
     
    hluta atkvæðisbærra fundarmanna.Tillögur til lagabreytingar skulu tilkynntar með
     
    aðalfundarboði og skulu þær birtar á heimasíðu félagsins eigi síðar en viku fyrir aðalfund.
     
    15.grein
     
    Gildistaka
     
    Lög þessi öðlast þegar gildi. Jafnframt eru felld úr gildi eldri lög félagsins.
     
    samþykkt á aðalfundi félagsins dags. 18.október 2014

Velkomin á skráningarsíðu Tinds. Hjólreiðafélagið Tindur var stofnað í febrúar 2011. Meginmarkmið er að efla hjólreiðar sem keppnisíþrótt og stuðla að aukinni uppbyggingu félagsins. Félagið skal leitast til að ná settum markmiðum með því að halda úti öflugu æfingastarfi og hjólreiðakeppnum. Tindur er löglegt íþróttafélag undir ÍSÍ - allir eru velkomnir í félagið og eru æfingarnar opna öllum.o:p>

Æfingar eru eftirfarandi: Mánud. kl 18:30, Miðvikud. kl 20:00 og Sunnud. kl 10:00, alltaf frá N1 Fossvogi.

Á æfingum Tinds á hver og einn að geta fundið hraða og álag sem hentar hverju sinni, í Tind er lögð áhersla á góða liðsheild og almenna gleði.

Ef þetta er eitthvað fyrir þig, vertu með okkur og skráðu þig hér til hliðar :-)

  • Félagsgjöld eru 11.900 kr fyrir hvert ár hvert, innifalin eru aðildargjöld að HRÍ.
  • Fjölskyldugjald er 19.000 kr fyrir hvert ár hvert, innifalin eru aðildargjöld að HRÍ.
  • Börn félagsmanna sem eru yngir en 18 ára frá frítt í félagið.

Eftir að þú skráir þig færðu greiðsluseðil. Að greiðslu lokinni verður þú fullgildur meðlimur í Tind og færð aðgang að félagaspjalli Tinds á Facebook. Þar er að finna nánari upplýsingar um skipulag æfinga, fyrirhugaðar keppnir, æfingaferðir ásamt öðrum fróðleik um hjólreiðar.